Premtimi ynë për cilësinë.
Krijuar për të jetuar gjatë.

Që prej më shumë se 60 vjetësh, ne kemi qenë specialistë të frigoriferëve ftohës dhe ngrirës të cilësisë së lartë. Cilësia e produkteve tona përbën themelin e vetëm për nivelin e lartë të besimit që klientët kanë te marka Liebherr. Në fabrikat tona të prodhimit, ne punojmë vazhdimisht për zhvillimin dhe optimizimin e mëtejshëm të të gjithë komponentëve dhe materialeve të pajisjeve.

Kërkimi shkencor dhe zhvillimi

Në çdo pajisje Liebherr investohen shumë njohuri, punë progresive dhe vëmendje ndaj detajeve. Para se një pajisje të prodhohet në seri, inxhinierët tanë shpenzojnë muaj duke kryer aktivitete kërkimi shkencor dhe zhvillimi në lidhje me produktin, në mënyrë që të krijojnë një produkt të cilësisë së lartë që plotëson standardet më të larta.

Pajisjet dhe komponentët tanë i nënshtrohen vazhdimisht monitorimit të cilësisë, përgjatë gjithë procesit të prodhimit. Në këtë mënyrë ne sigurohemi që nga fabrikat tona të prodhimit të dalin vetëm pajisjet e cilësisë më të lartë. Një faktor i rëndësishëm janë edhe punonjësit tanë shumë të kualifikuar dhe të mirëtrajnuar. Falë përkushtimit të tyre, ata vendosin standarde të larta dhe garantojnë cilësinë e jashtëzakonshme të Liebherr.

Dhoma e testit akustik

Ne dëgjojmë me shumë vëmendje në dhomat tona profesionale të testit akustik: ku ka burime të mundshme të zhurmave irrituese te pajisjet? Dhe ku inxhinierët tanë mund të përmirësojnë më tej akustikën, në mënyrë që të zvogëlojnë më tej emetimet e zhurmës dhe të optimizojnë cilësinë e tingujve që krijohen nga pjesët lëvizëse si dyert dhe sirtarët?

Punonjësit tanë janë çelësi i suksesit tonë.

Personeli ynë i kualifikuar prodhon në fabrikat tona bashkëkohore të prodhimit frigoriferë ftohës dhe ngrirës të cilësisë së lartë që përmbushin kërkesa premium. Punonjësit tanë kanë vëmendje të pakrahasueshme ndaj detajeve, për t'u siguruar që çdo pajisje plotëson standardet më të larta të cilësisë.

Dhoma e testit akustik

Materialet e testuara

Si një prodhues cilësor, ne vendosim standardet më të larta për pajisjet dhe komponentët tanë. Jo më kot frigoriferët tanë ftohës dhe ngrirës impresionojnë klientët kudo në botë me jetëgjatësinë e tyre. Të gjithë komponentët shqyrtohen në mënyrë të imtësishme në procedura të ndërlikuara testuese, deri në detajin e fundit. Kjo është mënyra se si ne sigurohemi që pajisjet tona të plotësojnë standardet më të larta të cilësisë, si në sektorin privat, edhe në atë tregtar.

Praktik në përdorim

Falë SoftSystem të integruar, dyert e pajisjeve Liebherr mbyllen automatikisht nga një kënd rreth 30°. Kjo garanton mbyllje të lehtë edhe kur raftet e derës janë të mbushur plot. Në shumicën e shtëpive, dera e frigoriferit hapet shumë herë çdo ditë dhe shpesh është e mbushur plot e përplot. Përpara se ne të miratojmë një menteshë dere, ajo duhet të kalojë të paktën 100 000 cikle hapjesh. Kjo përkon me një përdorim prej më shumë se 15 vite. Në fund të fundit, duhet ta shijoni Liebherr-in tuaj për një kohë të gjatë.

Përdorim i thjeshtë dhe optimal

Shinat teleskopike me rrëshqitje të lehtë ku janë montuar sirtarët, mundësojnë komoditet shtesë të konsiderueshëm te frigoriferët ftohës dhe ngrirës. Për t'u siguruar se funksionojnë siç duhet, ato u nënshtrohen testeve të ndërlikuara gjatë të cilave ne eliminojmë çdo burim gabimi. Për të siguruar jetëgjatësinë e tyre, ne i testojmë shinat teleskopike në kushte më të vështira përdorimi se ato që do të hasen në jetën e përditshme.

Për siguri më të madhe në jetën e përditshme

Si sipërfaqet e sirtarëve të cilësisë së lartë GlassLine, ashtu edhe raftet e derës te pajisjet frigoriferike Liebherr nuk thyhen, nuk gërvishten dhe pastrohen me lehtësi. Për të garantuar siguri në përdorimin e përditshëm, ne e testojmë vazhdimisht xhamin mbrojtës në ngarkesa ekstreme në qendrën tonë të testimit. Kjo ndihmon në krijimin e besimit te ne dhe garanton siguri në shtëpi.